ஒரு கதாபாத்திரத்திற்காக எந்த எல்லைக்கு வேண்டுமானாலும் செல்லக் கூடியவர் தான் நடிகர் விக்ரம்.
இயக்குநர் உருவாக்கிய கதாபாத்திரத்திற்கு உயிர் கொடுக்க, உயிரைக் கொடுத்த உழைக்கக் கூடிய இவர், தற்போது பிரம்மாண்ட இயக்குநரின் படத்தில், முக்கிய வேடத்தில் நடிக்க இருப்பதாக தகவல் வெளியாகியுள்ளது.
அதாவது, தங்கலான் படத்தின் புரமோஷன் நிகழ்ச்சி, ஆந்திர மாநிலத்தில் நடைபெற்றது. அங்கு சென்ற விக்ரம், ரசிகர்கள் மத்தியில் உரையாற்றினார்.
அப்போது, “நானும் இயக்குநர் ராஜமெளலியும் நெருங்கிய நண்பர்கள். அவருடைய படத்தில் இணைந்து பணியாற்ற, நீண்ட நாட்களாக இருவரும் பேசி வருகிறோம். விரைவில், இணைந்து ஒரு படம் பண்ணுவோம்” என்று அவர் கூறியுள்ளார்.
இதனை அறிந்த ரசிகர்கள், “மகேஷ் பாபு, ராஜமௌலி கூட்டணியில் உருவாக உள்ள படத்தில் தான், விக்ரம் நடிக்க உள்ளார்” என்று கூறி வருகின்றனர். கடந்த சில மாதங்களுக்கு முன்பு, விக்ரமும், ராஜமௌலியும் இணைந்து பணியாற்ற உள்ளனர் என்ற தகவல் வந்தது என்பது குறிப்பிடத்தக்கது.