வயநாடு இடைத்தேர்தல்: பிரியங்கா காந்தி முன்னிலை!

வயநாடு இடைத்தேர்தலில் காங்கிரஸ் வேட்பாளர் பிரியங்கா காந்தி தொடர்ந்து முன்னிலை வகித்து வருகிறது.

கேரள மாநிலம், வயநாடு மக்களவைத் தொகுதிக்கான இடைத்தேர்தல் கடந்த 13 தேதி நடைபெற்றது. இந்த இடைத்தேர்தலில் காங்கிரஸ் வேட்பாளர் பிரியங்கா காந்தி போட்டியிட அவரை எதிர்த்து பாஜக சார்பில் நவ்யா ஹரிதாஸ், இந்திய கம்யூனிஸ்ட் கட்சி சார்பில் சத்யன் மொகேரி போட்டியிட்டனர்.

இந்நிலையில், வயநாடு இடைத்தேர்தலில் பதிவான வாக்குகள் தற்போது விறுவிறுப்பாக எண்ணப்பட்டு வருகிறது. தற்போது காலை 10 மணி நிலவரப்படி பிரியங்கா காந்தி 1,21,476 வாக்குகள் பெற்று தொடர்ந்து முன்னிலை வகித்து வருகிறார்.