பாலா இயக்கத்தில், சூர்யா நடிப்பில் வணங்கான் என்ற திரைப்படம் உருவாக இருந்தது. ஆனால், சில பிரச்சனைகளின் காரணமாக, அந்த படம் பாதியிலேயே நிறுத்தப்பட்டது. சூர்யாவுக்கும், பாலாவுக்கும் இடையே ஏற்பட்ட பிரச்சனை தான், இந்த திரைப்படம் பாதியில் நிறுத்தப்பட்டதற்கு காரணம் என்று, தகவல் பரவி வந்தது.
இவ்வாறு இருக்க, இயக்குநர் பாலா ஊடகம் ஒன்றிற்கு பேட்டி அளித்துள்ளார். அந்த பேட்டியில், வணங்கான் படத்தில் இருந்து சூர்யா விலகியது குறித்து கேள்வி கேட்கப்பட்டது. அதற்கு பதில் அளித்த அவர், சூர்யாவை வைத்துக் கொண்டு, லைவ் லொகேஷனில் படப்பிடிப்பை நடத்த முடியவில்லை. அதனால் தான், சூர்யா அந்த திரைப்படத்தில் இருந்து விலகினார் என்று தெரிவித்துள்ளார்.
இதையடுத்து, மீண்டும் சூர்யாவை வைத்து படம் இயக்குவீர்களா என்ற கேள்விக்கு, “ஸ்டுடியோவிலேயே இயக்குவது மாதிரியான படமாக இருந்தால், அவரை வைத்து மீண்டும் படத்தை இயக்குவேன்” என்று அவர் கூறியுள்ளார். இதன்மூலம், இந்த கிசுகிசுவுக்கு முற்றுப்புள்ளி வைக்கப்பட்டுள்ளது.