சிம்புதேவன் இயக்கத்தில், யோகி பாபு, கௌரி கிஷன், சின்னி ஜெயந்தி, மதுமிதா உள்ளிட்ட பலர் நடித்துள்ள திரைப்படம் போட்.
ஒரு சிறிய படகில் கடலுக்கு உள்ளே செல்லும் வெவ்வேறு சமூகத்தை சேர்ந்த சிலர், எப்படி தப்பித்து வெளியே வந்தார்கள் என்பதை மையமாக வைத்து உருவாக்கப்பட்டுள்ள இப்படம், வரும் 2-ஆம் தேதி அன்று ரிலீஸ் ஆக உள்ளது.
இந்நிலையில், இப்படத்தின் செய்தியாளர்கள் சந்திப்பு, இன்று நடைபெற்றது. இதில், இயக்குநர் சிம்புதேவன், நடிகர் கௌரி கிஷன் உள்ளிட்ட நடிகர்கள் கலந்துக் கொண்டனர். ஆனால், கலந்துக் கொள்வதாக அறிவிக்கப்பட்டிருந்த யோகிபாபு மட்டும், மிகவும் தாமதமாக அந்நிகழ்ச்சிக்கு வந்துள்ளார்.
இதனால் கடுப்பான செய்தியாளர்கள், நிகழ்ச்சிக்கு வந்த யோகிபாபுவிடம், அனல் பறக்கும் கேள்விகளை எழுப்பினர். இந்த கேள்விகளுக்கு பதில் அளித்த அவர், மேடையில் இருந்து இறங்கி கிளம்பிவிட்டார்.
அவ்வாறு செல்லும்போதும், செய்தியாளர்கள் தொடர் கேள்வி எழுப்பினர். இதற்கு பதில் அளிக்கும்போது, மைக் ஆஃப் பண்ணிட்டு வா.. நான் பதில் சொல்கிறேன் என்று கூறி, பரபரப்பை ஏற்படுத்தினார். இதுதொடர்பான வீடியோ, இணையத்தில் வெளியாகி, வைரலாக பரவி வருகிறது.