காமெடி நடிகராக தனது பயணத்தை தொடங்கி, தற்போது பல்வேறு படங்களில் ஹீரோவாக நடித்து வருபவர் தான் யோகிபாபு. இவர் நடிப்பில் உருவாகியுள்ள போட் திரைப்படம், வரும் 2-ஆம் தேதி அன்று ரிலீஸ் ஆக உள்ளது.
இந்நிலையில், இந்த படத்தின் புரமோஷனுக்காக, ஊடகம் ஒன்றிற்கு பேட்டி அளித்திருந்தார். அந்த பேட்டியில் பேசிய அவர், தனக்கு எழுத்துப் பணியில் அதிக ஆர்வம் உள்ளது என்று கூறினார்.
மேலும், 3 கதைகளை எழுதி வைத்திருக்கிறேன் என்றும், அந்த கதைகளை திரைப்படமாக இயக்க வேண்டும் என்ற ஆசை உள்ளது என்றும் அவர் கூறியுள்ளார்.
காமெடி நடிகர், குணசித்திர நடிகர், ஹீரோ என்று பல்வேறு பரிணாமங்களை எடுத்துள்ள யோகிபாபு, விரைவில் இயக்குநராகவும் மாற ஆசைப்படுகிறார் என்று தகவல், ரசிகர்களை ஆச்சரியத்தில் ஆழ்த்தியுள்ளது.