“நம்மை வீழ்த்த முயற்சி செய்வார்கள்..” – யுவன் யாரை சொல்கிறார்?

பிரபல இசையமைப்பாளர் யுவன் சங்கர் ராஜா, பள்ளி ஒன்றிற்கு, சிறப்பு விருந்தினராக சென்றுள்ளார்.

அப்போது, அந்த விழா மேடையில் பேசிய அவர், நான் ஆரம்பக் காலங்களில் இசையமைத்த பாடல்கள், ரசிகர்களை பெருமளவில் கவரவில்லை என்றும், இதனால், தான் இசையமைக்கும் படங்கள் தோல்வி அடையும் என்ற முத்திரை தன் மீது குத்தப்பட்டது என்றும் அவர் தெரிவித்தார்.

மேலும், இதனை அறிந்த நான், அறையின் உள்ளே சென்று, பலமுறை கதறி அழுதிருக்கிறேன். பின்னர் தான், என்ன நடந்தது என்பதை கவனித்து இசையமைத்தேன். அதன்பிறகு, இந்த நிலையில் நான் தற்போது இருக்கிறேன்.

எனவே, நெகட்டிவ் சிந்தனை கொண்டவர்கள் நம்மை வீழ்த்துவதற்கு முயற்சி செய்துக் கொண்டே இருப்பார்கள். அதற்கு நாம் செவி சாய்க்கக் கூடாது” என்று தெரிவித்தார்.