அரசு பேருந்து மீது லாரி மோதி பயங்கர விபத்து – 6 பேர் பலி..!!

ஆந்திர மாநிலம் கடப்பா மாவட்டம் சின்ன வரம்பாடு என்ற இடத்தில் நடந்த பயங்கர சாலை விபத்தில் 6 பேர் இறந்தனர். 20க்கும் மேற்பட்ட பயணிகள் படுகாயமடைந்தனர்.

திருப்பதியில் இருந்து கடப்பா நோக்கி சென்று கொண்டுருந்த ஆந்திர மாநில அரசு பேருந்து ஒன்று சென்னை நோக்கி சென்ற லாரி மீது மோதியது. இந்த விபத்தில் பஸ்சில் பயணம் செய்த 4 பேர் சம்பவ இடத்திலேயே உயிரிழந்தனர்.2 பேர் மருத்துவமனைக்கு செல்லும் வழியிலேயே உயிரிழந்தனர்.

இந்த விபத்தில் 20க்கும் மேற்பட்ட பயணிகள் படுகாயம் அடைந்தனர். விபத்து குறித்து போலீசார் சம்பவ இடத்திற்கு வந்து விசாரணை நடத்தி வருகின்றனர். காயமடைந்தவர்களுக்கு மருத்துவமனையில் சிகிச்சை அளிக்கப்பட்டு வருகிறது.