ஆட்டுக்குட்டிக்கு பால் கொடுக்கும் பசு ! வைரலாகும் வீடியோ !

திருவாரூர் மாவட்டம் மன்னார்குடி அடுத்த நெடுவாக்கோட்டையை சேர்ந்த விவசாயி அசோக் குமார், இவரது குடும்பத்தினர் ஆடு மாடுகளை லாப நோக்கத்திற்காக மட்டுமின்றி அவற்றின் மேல் உள்ள பாசம் காரணமாகவும் விட்டுவிடாமல் தொடர்ந்து பல ஆண்டுகளாக வளர்த்து வருகின்றனர்.

.இதில் ஒரு பசு மாடு மூன்று மாதங்களுக்கு முன்பு ஒரு கன்றை ஈன்று பால் கொடுத்து வருகிறது.இந்நிலையில் அவர் வீட்டில் வளர்த்து வரும் ஆடு ஒன்று சில நாட்களுக்கு முன் குட்டி ஒன்றை ஈன்றது. அசோக் குமாரின் வீட்டில் ஆடு மாடுகள் ஒன்றாக வளர்ந்து வருவதால் அவற்றுக்குள் பாசப்பிணைப்பு ஏற்பட்டு ஆட்டுக்குட்டியானது பசுமாட்டிடம் சில நாட்களாக பால் குடித்து வருகிறது. இது காண்போரை வியப்பில் ஆழ்த்தியுள்ளது. ஆட்டுக்குட்டி பசு மாட்டிடம் பால் குடிக்கும் இந்த வீடியோவானது சமூக வலைதளங்களில் வைரலாகி வருகிறது.