மெக்சிகோவில் பள்ளத்தில் கவிழ்ந்த பேருந்து…18 பேர் பலி..!!

மேற்கு மெக்சிகோவில் இன்று அதிகாலையில் 42 பயணிகளுடன் சென்று கொண்டிருந்த பேருந்து ஒன்று நெடுஞ்சாலையில் இருந்து பள்ளத்தாக்கில் கவிழ்ந்து விபத்து ஏற்பட்டது.

இந்த விபத்தில் 18 பேர் உயிரிழந்துள்ளனர். இதில் 6 பேர் இந்தியர்கள் என தகவல் வெளியாகியுள்ளது. மேலும் 22 பயணிகள் காயம் அடைந்தனர். அவர்களின் உடல்நிலை சீராக இருப்பதாக கூறப்படுகிறது.

பாதிக்கப்பட்டவர்களை அடையாளம் காணும் பணிகள் தொடர்ந்து நடைபெற்று வருவதாக அதிகாரிகள் தெரிவித்தனர். மேலும் விபத்துக்கான காரணம் இன்னும் தெரியவில்லை என அதிகாரிகள் தெரிவித்துள்ளனர்.