அரண்மனை 4 படத்தின் ரிலீஸ் எப்போது? வெளியான புதிய தகவல்

சுந்தர்.சி இயக்கத்தில் அரண்மனை திரைப்படம் 2014-ல் வெளியாகி வெற்றி பெற்றது. இதில் ஹன்சிகா, ஆண்ட்ரியா, ராய் லக்ஷ்மி, வினய் உள்ளிட்ட பலர் நடித்திருந்தனர். இப்படத்தின் வெற்றியை தொடர்ந்து அரண்மனை படத்தின் இரண்டாம் பாகம் வெளியானது.

2016ல் வெளியான இப்படமும் வெற்றிபெற்றது. இதனையடுத்து, 2021-ல் அரண்மனை படத்தின் 3-ம் பாகம் வெளியானது. ஆனால் இப்படத்திற்கு கலவையான விமர்சனங்கள் கிடைத்தது.

இந்நிலையில், சுந்தர்.சி இயக்கத்தில் அரண்மனை 4 திரைப்படம் உருவாகி உள்ளது. இதில் தமன்னா, ராஷி கண்ணா, யோகி பாபு உள்ளிட்டோர் நடித்துள்ளனர். இப்படம் பொங்கல் பண்டிகையையொட்டி ஜனவரி மாதம் வெளியாகும் என கூறப்பட்டிருந்தது. பல்வேறு காரணங்களால் தேதி மாற்றப்பட்டது. தற்போது ஏப்ரல் மாதம் படம் வெளியாகும் என அறிவிக்கப்பட்டுள்ளது.