தனுஷ் இல்லை.. சிம்பு தான்.. – திடீர் ட்விஸ்ட் தந்த நெல்சன்!

கோலமாவு கோகிலா, டாக்டர், பீஸ்ட் ஆகிய படங்களை எடுத்துள்ளவர் இயக்குநர் நெல்சன். இவர் தற்போது ரஜினியை வைத்து, ஜெயிலர் என்ற படத்தை இயக்கியுள்ளார்.

இப்படம், வரும் ஆகஸ்டு 10-ஆம் தேதி அன்று திரையரங்குகளில் ரிலீஸ் ஆக உள்ளது. இந்த படத்தை முடித்த பிறகு, நடிகர் தனுஷை வைத்து, புதிய படம் ஒன்றை அவர் தொடங்க இருப்பதாக தகவல் வெளியானது.

ஆனால், தனுஷ்-க்கு பதிலாக, சிம்பு உடன், நெல்சன் இணைய இருப்பதாக கூறப்படுகிறது.

அதாவது, கடந்த 2010-ஆம் ஆண்டு தொடங்கப்பட்டு, சில காரணங்களால் கைவிடப்பட்ட வேட்டை மன்னன் படத்தை தான், அவர் மீண்டும் தொடங்க உள்ளாராம்.

இதுதொடர்பான அறிவிப்பு, விரைவில் வெளியாகும் என்று கூறப்படுகிறது. இந்த தகவல், சிம்புவின் ரசிகர்களுக்கு உற்சாகத்தை அளித்துள்ளது.